پٹرولیم مصنوعات کی قیمتوں میں مسلسل اضافہ کے بعد کراچی میں واٹر بورڈ نے ٹینکر کے نرخ میں اضافہ کردیا۔
کراچی میں رہائشی اور کمرشل صارفین کے لیے واٹر ٹینکر کے نرخوں میں 200 سے 400 روپے کا اضافہ کر دیا گیا۔
کراچی واٹر اینڈ سیوریج بورڈ (کے ڈبیو ایس بی) شہر میں پانی کی قلت والے علاقوں میں ٹینکروں کے ذریعے پانی فراہم کرتا ہے، کمرشل اور رہائشی دونوں کے لیے واٹر ٹینکرز کے نرخ الگ الگ ہیں۔
رہائشی اور تجارتی ٹینکرز سروس کیلئے نئے ریٹس طےکر لئےگئے، نئے ریٹس کے مطابق رہائشی ایک ہزار گیلن کا ٹینکر 1300 سے بڑھا کر 1590 روپے کا ہوگیا۔
جبکہ رہائشی پانچ ہزار گیلن کا ٹینکر 3900 روپے، تجارتی ایک ہزارگیلن کا ٹینکر 3124 روپے میں اور تجارتی پانچ ہزار گیلن کا ٹینکر 6240 روپے میں دستیاب ہوگا۔
حکام کا کہنا ہے کہ فاصلےکے حساب سے ٹرانسپورٹ چارجز علیحدہ وصول کئے جائیں گے۔
