کراچی : صوبائی وزیر شرجیل میمن نے پی ٹی آئی کو جیل بھروتحریک میں فری پک اینڈ ڈراپ سروس کی آفر کردی۔
تفصیلات کے مطابق صوبائی وزیر شرجیل میمن نے سماجی رابطے کی ویب سائٹ ٹوئٹر پر اپنے بیان میں کہا کہ جیل بھرو تحریک کی کامیابی کیلئے پوری قوم دعاگو ہے، افسوس تحریک کا اعلان کرنے والوں کی ٹانگیں کانپ رہی ہیں۔
شرجیل میمن کا کہنا تھا کہ تحریک انصاف سندھ میں بھرپور طریقے سے اس تحریک کو کامیاب کرے، ہم ان کی بھرپور مدد کے لئے تیار ہیں، فری پک اینڈ ڈراپ سروس بھی مہیا کر سکتےہیں، پی ٹی آئی صرف نام لکھوائے۔
جیل بھرو تحریک کی کامیابی کے لۓ پوری قوم دعاگو ہے۔ افسوس تحریک کا اعلان کرنے والوں کی ٹانگیں کانپ رہیں ہیں۔ تحریک انصاف سندہ میں بھرپور طریقے سے اس تحریک کو کامیاب کرے ہم ان کی بھرپور مدد کے لۓ تیار ہیں۔ فری پک اینڈ ڈراپ سروس بھی مہیا کر سکتیں ہیں پی ٹی آئ صرف نام لکھواۓ۔
— Sharjeel Inam Memon (@sharjeelinam) February 25, 2023
دوسری جانب صوبائی وزیر سعیدغنی نے اپنے بیان میں کہا کہ پی ٹی آئی والےایک طرف جیل سےگھبراتےہیں دوسری طرف عمران نیازی سے، عمران نیازی کا جیل بھرواعلان ایک اور ڈرامہ ثابت ہوا، سیاسی تربیت کیلئےعمران خان کوایک دوسال کیلئےجیل جاناہوگا۔