اسلام آباد: پاکستان تحریک انصاف کے چیئرمین عمران خان نے ضمانت کے لیے انسداد دہشت گردی عدالت سے رجوع کر لیا۔
تفصیلات کے مطابق سابق وزیر اعظم پاکستان عمران خان نے تھانہ سنگجانی کے مقدمے میں ضمانت کے لیے اے ٹی سی عدالت سے رجوع کیا ہے۔
عمران خان نے اپنی درخواست میں کہا ہے کہ انھیں بے بنیاد اور ایک سیاسی مقدمے میں نامزد کیا گیا ہے۔ یاد رہے کہ عمران خان کے خلاف 21 اکتوبر کو تھانہ سنگجانی میں مقدمہ درج کیا گیا تھا۔
وکیل نعیم حیدر نے عمران خان کی عبوری ضمانت کے لیے درخواست دائر کی، درخواست میں کہا گیا ہے کہ ’’اس مقدمے میں مجھے سیاسی انتقام کے باعث نامزد کیا گیا، میں پاکستان کی بڑی سیاسی جماعت کا لیڈر ہوں، مجھ پر انسداد دہشت گردی کا مقدمہ بنایا گیا، جس کا میں مرتکب نہیں ہوا ہوں۔‘‘
عمران خان آئندہ ماہ مارچ میں نااہل ہو جائیں گے، منظور وسان کا نیا خواب
عمران خان نے استدعا کی ہے کہ کیس میں ضمانت کنفرم ہونے سے پہلے عبوری ضمانت منظور کی جائے۔
واضح رہے کہ چیئرمین تحریک انصاف عمران خان آج اسلام آباد کی متعدد عدالتوں میں پیش ہوں گے، تین عدالتوں میں ان کی طلبی ہے، عمران خان ایک کیس میں ضمانت کی درخواست دائر کریں گے، اور ممنوعہ فنڈنگ کیس میں بینکنگ کورٹ میں پیش ہوں گے۔
