واشنگٹن: انسداد دہشت گردی پر پاک امریکا مذاکرات کے لیے امریکی وفد پاکستان روانہ ہو گیا۔
تفصیلات کے مطابق انسداد دہشت گردی پر پاک امریکا دو روزہ مذاکرات 6 مارچ سے شروع ہوں گے، ترجمان امریکی محکمہ خارجہ کے مطابق کرسٹوفر لینڈ برگ کی قیادت میں امریکی وفد پاکستان روانہ ہو گیا۔
ترجمان امریکی محکمہ خارجہ نیڈ پرائس نے کہا کہ پاکستان امریکا دہشت گردی کے خطرات پر بات کریں گے، دہشت گردی کے خطرات سے نمٹنے کا لائحہ عمل تشکیل دیا جائے گا۔
- Advertisement -
ترجمان کا کہنا تھا کہ سرحدی سیکیورٹی پر بھی گفتگو ہوگی، مذاکرات میں دہشت گردوں کی مالی معاونت کا مقابلہ کرنے پر حکمت عملی طے کی جائے گی۔
انسداد دہشت گردی پر پاک امریکا مذاکرات میں امریکی وفد کی قیادت انسداد دہشت گردی کے قائم مقام کوآرڈینیٹر کریں گے۔
