اسلام آباد : وزیرداخلہ راناثنااللہ نے عمران خان کو اپنا دشمن قراردےدیا اور کہا عمران خان ہمارا اور ہم اس کے دشمن ہیں۔
تفصیلات کے مطابق وفاقی وزیرداخلہ راناثنااللہ نے نجی ٹی وی کے پروگرام میں گفتگو کرتے ہوئے عمران خان پر پابندی سے متعلق کہا کہ عمران خان جن حدود سےتجاوزکرتےہیں اتنی اجازت کسی کونہیں ہونی چاہیے۔
راناثنااللہ کا کہنا تھا کہ عمران خان دودوڈھائی ڈھائی گھنٹےلوگوں کاسمع خراشی کرتےہیں، اتنی اجازت کسی کونہیں ہونی چاہیے ہمیں بھی نہیں۔
اے آر وائی نیوز پر پابندی کے سوال پر وفاقی وزیر داخلہ نے کہا کہ پیمرااحکامات کی خلاف ورزی کی صورت میں پابندی سب چینلزپر لگےگی، کسی نےاحکامات کی خلاف ورزی کی توپیمراغیرمعمولی کارروائی کر سکتا ہے۔
ان کا کہنا تھا کہ پاکستان میں سیاست نہیں ہورہی پاکستان میں دشمنی ہورہی ہے، کبھی اختلاف رائےہوتاتھاسیاست ہوتی تھی لیکن عمران خان نےسیاست اوراختلاف رائےکودشمنی میں ڈال دیا ہے۔
راناثنااللہ نے مزید کہا کہ عمران خان ہمارےمتعلق جو کہتا ہے وہ کسی دشمن سے متعلق ہی کہاجاسکتاہے اور ہم بھی عمران خان کو جو جواب دیتے ہیں وہ کسی دشمن کو ہی دیا جا سکتا ہے، عمران خان کا کہنا اور ہمارا جواب دینا کیوں دو دو ڈھائی ڈھائی گھنٹے قوم کو دکھایا جائے۔
