لاہور: سابق مشیر وزیراعلیٰ پنجاب زبیراحمد کو گھرکے باہر سے اغواکرلیا گیا، زبیر احمد خان کے اغوا کی سی سی ٹی وی فوٹیج بھی سامنے آگئی۔
تفصیلات کے مطابق سابق مشیر وزیراعلیٰ پنجاب زبیر احمد خان کو راولپنڈی میں ان کے گھر سے مبینہ طور پر اغوا کرلیا گیا۔
وقوعے کی سی سی ٹی وی فوٹیج بھی سامنے آگئی، فوٹیج میں نامعلوم افراد کو زبیر احمد خان کو اٹھاکر لے جاتے ہوئے دیکھا جاسکتا ہے۔
زبیر احمد خان کے بیٹے کا کہنا ہے کہ والد کو راولپنڈی میں انکی رہائش گاہ گلنار کالونی قاسم مارکیٹ سے اغوا کیا گیا ، نامعلوم افراد گاڑیوں اور موٹر سائیکل پر آئے اور والد کو اٹھا کر لے گئے۔
زبیر احمد خان وزیر اعلی شکایات سیل راولپنڈی کے چیئرمین بھی رہے ہیں۔
تحریک انصاف کی رہنما مسرت جمشیدچیمہ نے زبیر نیازی کے مبینہ اغوا کی فوٹیج سوشل میڈیا پر شیئر کردی۔
سابق مشیر وزیر اعلی پنجاب سابق چیئرمین چیف منسٹر کمپلینٹ سیل پنجاب زبیر احمد خان کو اُن کے گھر کے باہر سے نامعلوم افراد نے اغوا کر لیا گیا ہے۔ pic.twitter.com/5SMkGZRvsn
— Musarrat Cheema (@MusarratCheema) March 8, 2023