کراچی : ایسوسی ایشن بلڈرز اینڈ ڈیولپرز (آباد) نے آئی جی سندھ کو سندھ پولیس کے افسران کا زمینوں پر ناجائز قبضوں میں ملوث ہونے کے معاملے سے آگاہ کردیا۔
تفصیلات کے مطابق چیئرمین آباد الطاف طائی نے سندھ پولیس کے افسران پر لینڈ گریبرز کی سرپرستی کرنے کا الزام عائد کیا ہے۔
آئی جی سندھ غلام نبی میمن کو لکھے گئے ایک خط میں چیئرمین آباد الطاف طائی نے انکشاف کہ سندھ پولیس کے 6 افسران کراچی میں زمینوں پر قبضوں کے معملات میں ملوث ہیں۔
خط میں بتایا گیا کہ پولیس افسران قبضہ مافیا کی سرپرستی کرنے اور کرپشن میں ملوث ہیں، ملوث افسران میں4 ایس ایچ اوز، ایک ڈی ایس پی اور اے ایس آئی شامل ہیں۔
الطاف طائی نے خط میں بتایا کہ ان افسران میں ایس ایچ او ماڑی پورغلام حسین کورائی، یاسین گجر، ایس ایچ او منگھوپیر سرفراز اعوان اور سچل راجہ تنویر، ڈی ایس پی اور اے ایس آئی ماڑی پور کے نام شامل ہے۔
چیئرمین آباد نے آئی جی سندھ غلام نبی میمن سے قبضہ مافیا کی سرپرستی میں ملوث افسران کے خلاف نوٹس کی اپیل کرتے ہوئے ملوث افسران کے خلاف سخت کارروائی کی بھی اپیل کی ہے۔
