اشتہار

عمران خان اپنے ہی آئی ایم ایف پروگرام کی بحالی ناکام بنانے کی کوشش کررہا ہے، شہباز شریف کا دعویٰ

اشتہار

حیرت انگیز

اسلام آباد : وزیراعظم شہباز شریف کا کہنا ہے کہ عمران خان اپنے ہی آئی ایم ایف پروگرام کی بحالی ناکام بنانے کی کوشش کررہا ہے۔

تفصیلات کے مطابق وزیراعظم شہباز شریف نے اپنے بیان میں کہا ہے کہ عمران خان اپنے ہی آئی ایم ایف پروگرام کی بحالی ناکام بنانے کی کوشش کررہا ہے، سڑکوں پرافراتفری اور فتنہ و فساد اسی ایجنڈے کا حصہ ہے۔

شہباز شریف کا کہنا تھا کہ بزدل شخص عدالت کو تلاشی نہیں دیتا کیونکہ مجرم ہے، عمران خان چاہتا ہے ملک میں عدم استحکام کی آگ بھڑکے۔

- Advertisement -

وزیراعظم نے کہا کہ یہ نہیں چاہتا غریب عوام کومہنگائی،معاشی دباؤسے نجات ملے، یہ نہیں چاہتاکہ پاکستان کے لئے وسائل کی راہ ہموار ہو۔

عدالتوں میں پیشی کے حوالے سے تنقید کرتے ہوئے ان کا کہنا تھا کہ عمران خان کا عدالتوں سے بھاگنا بزدلی کی انتہاہے ، پہلے آئی ایم ایف پروگرام ، اپنے وعدوں اور نظریات سے بھاگ گئے ،اب عدالتوں سےبھاگ رہے ہیں۔

شہباز شریف نے کہا کہ نوازشریف اور ن لیگ قیادت نے نیب نیازی گٹھ جوڑ کے بدترین انتقام کا سامنا کیا، ہم اپنے بیٹوں، بیٹیوں اور بہنوں سمیت جھوٹے مقدمات میں عدالتوں میں پیش ہوئے۔

وزیراعظم کا مزید کہنا تھا کہ ن لیگ کےرہنما سزائےموت کی چکیوں میں رہے،ہیروئن جیسے جھوٹے کیسز کا سامنا کیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں