کوئٹہ : امیرجماعت اسلامی سراج الحق نے پاکستان میں گورنرز کو ختم کرنے کا مطالبہ کرتے ہوئے کہا ہے کہ آئین میں ترمیم کرکے یہ عہدہ بالکل ختم کردینا چاہیے۔
بلوچستان کے شہرکوئٹہ میں پریس کانفرنس سے خطاب کرتے ہوئے انہوں نے کہا کہ نااہل اور نالائق حکمرانوں نے پاکستان کو بسترمرگ تک پہنچا دیا ہے۔
سراج الحق کا کہنا تھا کہ آج پاکستان اپنی تاریخ کی بلند ترین مہنگائی کی سطح پر پہنچ چکا ہے،
اور ڈالر کے مقابلے میں پاکستانی روپیہ زمین بوس ہوچکا ہے، حکومت نے بجلی کی قیمتوں میں مزید اضافہ کرکے عوام کو بڑا جھٹکا دیا۔
اتنی بری معیشت کے باوجود ہمارے حکمرانوں کے پروٹوکول اورعیش و عشرت میں کوئی کمی نہیں آئی،احتساب کے ادارے کو خود حکومت نے کمزور کردیا ہے۔
امیرجماعت اسلامی نے کہا کہ پاکستان میں اس وقت مہنگائی کی شرح 42 جبکہ بنگلادیش میں 7 فیصد ہے، اگر معاملات کو سنجیدہ نہیں لیا گیا تو ہمیں مشرقی پاکستان کا واقعہ یاد رکھنا چاہیے۔
