وزیراعظم شہباز شریف نے کہا ہے کہ پاکستان مسلمانوں کیخلاف نفرت اور امتیازی سلوک کے خاتمے کیلیے عالمی برادری کے ساتھ ہے۔
اے آر وائی نیوز کے مطابق وزیراعظم شہباز شریف نے اسلامو فوبیا کے خلاف عالمی دن کے موقع پر سماجی رابطوں کی ویب سائٹ ٹوئٹر پر اپنا پیغام جاری کیا ہے۔
شہباز شریف نے اپنے پیغام میں کہا ہے کہ آج اسلامو فوبیا سے نمٹنے کا عالمی دن منایا جا رہا ہے۔ پاکستان مسلمانوں کیخلاف نفرت اور امتیازی سلوک کے خاتمے کیلیے عالمی برادری کے ساتھ ہے۔
وزیراعظم نے مزید کہا کہ اسلام بھی دیگرمذاہب کی طرح رواداری، احترام، امن اور انسانی ترقی کا علمبردار ہے۔
On International Day to Combat Islamophobia, Pakistan joins the world community in seeking an end to all forms of hatred, profiling & discrimination against Muslims on the basis of faith. Islam, like other religions, stands all for tolerance, respect, peace & human development.
— Shehbaz Sharif (@CMShehbaz) March 15, 2023
واضح رہے کہ کرائسٹ چرچ حملہ اسلامو فوبیا کے مہلک نتائج کا عکاس تھا۔ 4 سال پہلے آج ہی کے دن کرائسٹ چرچ کی دو مساجد پر مسلح شخص نے حملے کرکے 51 افراد کی جان لے لی تھی۔
