اوہائیو: امریکا میں ایک پالتو زیبرے نے اپنے مالک پر حملہ کردیا جس کے بعد پولیس نے گولی ماردی۔
فرانسیسی خبر رساں ادارے اے ایف پی کے مطابق امریکی ریاست اوہائیو میں ایک شخص اپنے ہی پالتو زیبرے کے حملے میں شدید زخمی ہوگیا جسے اسپتال داخل کروایا گیا، بعدازاں حملہ کرنے والے زیبرے کو پولیس نے گولی مار کر ہلاک کر دیا۔
اطلاعات کے مطابق زیبرا کے حملے میں رونلڈ کلفٹن نامی 72 سالہ شخص کا بازو کٹ گیا، زیبرے کے حملے کے بعد پولیس اہکاروں نے سے پھرے زیبرے کو قابو کرنے کی کوشش کی لیکن ناکام رہے۔
موقعے پر موجود مقامہ پولیس کا کہنا ہے کہ ایک بڑی جسامت کے سے پھرے نر زیبرے نے دوبارہ ہماری گاڑی پر حملہ کیا جس سے دائیں بازو کی کہنی کے نیچے خون جم گیا اور بازو ٹوٹ گیا تاہم اب وہ خطرے سے باہر ہے۔
ویڈیو میں ایک پولیس اہلکار کو ڈنڈے کے ساتھ زیبرے کا پیچھا کرتے ہوئے دیکھا جاسکتا ہے جس کے بعد ایک اور پولیس اہلکار بھی زیبرے کو بھگانے میں ناکام رہا، تاہم آخر میں زیبرے کو پولیس اہلکار نے سر میں گولی مار دی۔
کلفٹن حملہ کرنے والے زیبرے کا مالک ہے، زیبرا مبینہ طور پر پانچ سے چھ مادہ زیبروں کو بچانا چاہتا تھا جو گھر کی حویلی کے اندر دیکھی گئیں۔
خیال رہے کہ ریاست اوہائیو میں زیبروں کو خطرناک جنگلی جانور نہیں مانا جاتا اور ریاست کے اندر انہیں پالتو جانور بنا کر پالنا قانونی عمل ہے۔
