ایچ بی ایل پاکستان سپر لیگ 8 کے شاندار طریقے سے اختتام پذیر ہونے پر وزیراعظم شہباز شریف نے ٹویٹ پر اظہار خیال کیا ہے۔
اے آر وائی نیوز کے مطابق ایچ بی ایل پاکستان سپر لیگ ایک ماہ تک دنیا بھر کے شائقین کرکٹ کو دلچسپ اور سنسنی خیز میچوں کے ذریعے محظوظ کرنے کے بعد گزشتہ شب لاہور قلندر اور ملتان سلطانز کے ایک اور سنسنی خیز فائنل کے ساتھ اختتام پذیر ہوگیا۔
پاکستان سپر لیگ 8 کے شاندار انعقاد پر وزیراعظم شہباز شریف نے سماجی رابطوں کی ویب سائٹ ٹویٹر پر اظہار خیال کیا ہے۔
وزیراعظم نے اپنے ٹویٹ میں لکھا کہ پاکستان سپر لیگ کے 8 ویں ایڈیشن کا شاندار اختتام ہوا۔ اس موقع پر میں چیئرمین پی سی بی، سندھ اور پنجاب کے وزرائےاعلیٰ کو خراج تحسین پیش کرتا ہوں۔
A nail-biting finish to the 8th edition of Pakistan Super League. My appreciation is due to Chairman PCB, CMs of Sindh & Punjab, provincial administrations, police & the participating teams for making the event a huge success. Spectators kept it animated with their energy & zeal.
— Shehbaz Sharif (@CMShehbaz) March 19, 2023
شہباز شریف نے کہا کہ ایونٹ کی کامیابی پر انتظامیہ، پولیس اور ٹیموں کو بھی خراج تحسین پیش کرتا ہوں۔ شائقین کرکٹ نے اپنے جوش وجذبے سے پی ایس ایل کو متحرک رکھا۔
اس سے قبل لاہور قلندرز کے کپتان شاہین شاہ آفریدی کی شاندار بیٹنگ پر بھی وزیراعظم نے ٹویٹ کرتے ہوئے کہا تھا کہ ایک اور آفریدی کی پاور ہٹنگ۔
Another Afridi with such power hitting … 👏
— Shehbaz Sharif (@CMShehbaz) March 18, 2023
واضح رہے کہ پی ایس ایل 8 کے فائنل میں دفاعی چیمپئن لاہور قلندرز سے سنسنی خیز مقابلے کے بعد ملتان سلطانز کو صرف ایک رنز سے شکست دے کر اپنے اعزاز کا کامیابی سے دفاع کیا۔
