سنچورین: جنوبی افریقہ نے ویسٹ انڈیز کے خلاف دوسرے ٹی 20 میچ میں ٹی 20 کا سب سے بڑا ہدف حاصل کرلیا۔
سنچورین میں کھیلے گئے دوسرے ٹی 20 میچ میں ویسٹ انڈیز کی جانب سے دیا گیا 259 کا رنز کا ہدف جنوبی افریقہ نے ایک اوورز قبل ہی حاصل کرلیا۔
کوئنٹن ڈی کاک کو شاندار سنچری اسکور کرنے پر میچ کا بہترین کھلاڑی قرار دیا گیا۔
جنوبی افریقہ کے اوپنر بیٹر 44 گیندوں پر 100 رنز کی میچ وننگ اننگز کھیلی، ریزا ہینڈرکس 68 رنز کے ساتھ نمایاں رہے، ایڈن مرکرام 38 اور کلاسین 16 رنز کے ساتھ ناٹ آؤٹ رہے۔
What a win! 💥
South Africa have pulled off an incredible heist in Centurion 🔥#SAvWI | https://t.co/XyxteYowIn pic.twitter.com/MLP3tE21WO
— ICC (@ICC) March 26, 2023
ویسٹ انڈیز کی جانب سے جیسن ہولڈر، اوڈین اسمتھ اور رومن پاوول نے ایک، ایک وکٹ حاصل کی۔
اس سے قبل ویسٹ انڈیز نے مقررہ اوورز میں 5 وکٹوں کے نقصان پر 258 رنز بنائے تھے، جانسن چارلس کی تیز ترین سنچری بھی ویسٹ انڈیز کے کام نہ آسکی۔
جانسن چارلس نے 60 گیندوں پر 118 رنز کی اننگز کھیلی، کیل میئرز 51 رنز بنا کر آؤٹ ہوئے۔
جنوبی افریقہ کی جانب سے مارکو جینسن نے تین کھلاڑیوں کو پویلین کی راہ دکھائی، وین پارنیل نے دو وکٹیں حاصل کیں۔