راولپنڈی : اینٹی نارکوٹکس فورس (اے این ایف) نے منشیات فروشوں اور اسمگلرز کے خلاف ملک گیر آپریشن کیا یے جس میں متعدد ملزمان کو گرفتار کرلیا گیا۔
اے آر وائی نیوز کے مطابق اسلام آباد ائیرپورٹ پر ابوظہبی جانے والے ملزم کے پیٹ سے 5 چرس بھرے کیپسولز برآمد ہوئے، ملزم بنوں کارہائشی ہے جسے گرفتار کرلیا گیا۔
اےاین ایف نے ایک اور کارروائی میں راولپنڈی چاندنی چوک پر کوریئر آفس میں برمنگھم کیلئے بک پارسل سے1کلو 200 گرام ہیروئن برآمد کرلی، برآمد شدہ ہیروئن ٹریش بیگ میں چھپائی گئی تھی۔
اس کے علاوہ اسلام آباد موٹر وے ٹول پلازہ کے قریب افغان باشندے سے 3 کلو600گرام چرس اسلام آباد26 نمبر چونگی کے قریب پشاور کے رہائشی ملزم سے 2 کلو 400 گرام چرس برآمد کی گئی ہے۔
لاہور انٹرنیشنل ائیرپورٹ پر اے این ایف اور اے ایس ایف نے مشترکہ کارروائی کرتے ہوئے شارجہ جانے والے گروہ کے تین ملزمان کو گرفتار کرلیا، گرفتار ملزمان کا تعلق اوکاڑہ سے ہے۔
موقع پر تحقیقات کے بعد1 ملزم نے پیٹ میں ہیروئن بھرے کیپسولز ہونے کا انکشاف کیا، ملزم سے 104ہیروئن بھرے کیپسولز برآمد کرلیے گئے۔
کراچی ائیرپورٹ سے سعودی عرب جانے والے ملزم سے 2 کلو 71 گرام ہیروئن برآمد کی گئی ہے برآمد شدہ ہیروئن کو ہاٹ پاٹ کے اندر مہارت سے چھپایا گیا تھا، گرفتار ملزم کا تعلق چنیوٹ سے ہے۔
اے این ایف اور ایف سی نے نوشکی میں مشترکہ کارروائی کرتے ہوئے 416 کلو چرس برآمد کرلی، دالبندین میں جھاڑیوں میں چھپائی گئی22کلو چرس برآمد کرکے ملزمان کو گرفتار کرلیا، تمام ملزمان کیخلاف انسداد منشیات ایکٹ کے تحت مقدمات درج کرلیے گئے ہیں۔
