دبئی: انٹرنیشنل کرکٹ کونسل (آئی سی سی) نے ٹی ٹوینٹی پلیئرز رینکنگ جاری کردی ہے۔
آئی سی سی کی جانب سے جاری کردہ ٹی 20 رینکنگ کے مطابق بابر اعظم اور محمد رضوان نمبر ون بیٹر سوریا کمار یادیو کے قریب آگئے ہیں۔
بھارت کے جارح مزاج بیٹر سوریا کمار یادیو 906 ریٹنگ پوائنٹس کے ساتھ پہلے نمبر پر براجمان ہیں۔
محمد رضوان 811 پوائنٹس کے ساتھ دوسرے نمبر پر ہیں ان کے ساتھ کپتان بابر اعظم 755 پوائنٹس کے ساتھ تیسرے نمبر پر براجمان ہیں۔
قومی بیٹرز نیوزی لینڈ کے خلاف پانچ ٹی 20 میچز کی ہوم سیریز میں پوائنٹس بہتر کرکے سوریا کمار کی پہلی پوزیشن پر قبضہ جما سکتے ہیں۔
A pair of Pakistan superstars are aiming for Suryakumar Yadav's top spot in the @MRFWorldwide ICC Men's T20I Batting Rankings 👀
Details 👇 https://t.co/m6k3m1A35h
— ICC (@ICC) April 12, 2023
دوسری جانب ٹی ٹوئنٹی بولرزکی رینکنگ میں افغانستان کے راشد خان کی پہلی پوزیشن برقرار ہے۔ افغانستان کےفضل حق دوسرے اور آسٹریلیا کےجوش ہیزل ووڈ تیسرےنمبر پرآگئے۔
سری لنکا کے اسپنر وانندو ہسارنگا کی دو درجےتنزلی ہوئی ہے جس کے بعد وہ چوتھے نمبر پر آگئے۔
سری لنکا کےمہیش تھیکشانا پانچویں نمبر پر اور آل راؤنڈرز میں بنگلا دیش کےشکیب الحسن کا پہلانمبر برقرار ہے۔
