اسلام آباد: مولانا فضل الرحمان کی مذاکرات کی مخالفت کو پس پردہ ن لیگی حمایت حاصل ہونے کا انکشاف ہوا ہے۔
تفصیلات کے مطابق ذرائع نے انکشاف کیا ہے کہ مولانا فضل الرحمان کی مذاکرات کی مخالفت کو مسلم لیگ ن کے ایک مخصوص گروپ کی حمایت حاصل ہے۔
ذرائع نے بتایا کہ ن لیگ کے چند سینئر رہنماؤں نے پس پردہ فضل الرحمان کو مذاکرات کی مخالفت کا مشورہ دیا ہے، جب کہ اپوزیشن سے مذاکرات کی مخالفت والے لیگی رہنماؤں کو نواز شریف کی سپورٹ حاصل ہے۔
- Advertisement -
ذرائع کے مطابق ن لیگ کا دوسرا گروپ پیپلز پارٹی اور جماعت اسلامی کے ذریعے مذاکرات کا حامی ہے، تاہم مذاکرات سے پہلے عمران خان سے چند معاملات میں گارنٹیاں چاہتے ہیں۔
جے یو آئی کے ایک رہنما نے اس سلسلے میں بتایا کہ مذاکرات کا حتمی فیصلہ اسی لیے نہیں ہوا کیوں کہ انھیں ن لیگ کی حمایت حاصل ہے۔
