شہرِ قائد کے رہائشی محمد حسن ناریجو کے فارم میں پیدا ہونے والا دنیا کا سب سے لمبے کانوں والا بکری کا بچہ’سمبا‘ چل بسا۔
سمبا اپنے کانوں کی غیر معمولی لمبائی کی وجہ سے دنیا بھر میں مقبول تھا اس کی کان کی لمبائی 48 سینٹی میٹر یعنی 19 انچ ہے، اس بچے نے اپنے کانوں کی غیر معمولی لمبائی کی وجہ سے بہت سے لوگوں کو اپنی طرف متوجہ کیا۔
سمبا کے مالک نے گنیز ورلڈ ریکارڈ ٹیم سے رابطہ کرکے ’دی لانگیسٹ ایئر آف اے گوٹ کِڈ‘ کی کیٹیگری میں بھی اس کا نام ریجسٹر کروایا۔
- Advertisement -
محمد حسن ناریجو کے مطابق سعودی عرب اور عمان سے کئی افراد نے سمبا کی بڑھتی ہوئی مقبولیت دیکھ کر اسے خریدنے کے لیے بھی دلچسپی کا اظہار کیا تھا۔
تاہم اب یہ افسوسناک خبر سامنے آئی ہے کہ صرف 10 ماہ کی عمر میں ہی سمبا کا انتقال ہوگیا ہے اور موت کی وجہ ابھی تک معلوم نہیں ہوسکی۔
