قومی کرکٹ ٹیم کے نائب کپتان کی والدہ نے کپتان بابر اعظم کو گلے لگا لیا جس کی ویڈیو سوشل میڈیا پر وائرل ہوگئی۔
گزشتہ روز راولپنڈی میں ون ڈے سیریز کے پہلے میچ میں پاکستان اور نیوزی لینڈ کی ٹیم مدمقابل آئی، جہاں میچ دیکھنے آل راؤنڈر شاداب خان کی فیملی بھی موجود تھی۔
میچ میں وقفے کے دوران بابر اعظم شاداب خان کے والدین سے ملاقات کے لیے پہنچے تو شاداب خان کی والدہ نے بابر کو گلے لگا لیا ساتھ تصویر بھی کھنچوائی۔
- Advertisement -
بابر اعظم کی شاداب کے والدین سے ملاقات کی ویڈیو تیزی سے سوشل میڈیا پر وائرل ہورہی ہے جسے کرکٹ شائقین کی جانب سے خوب پسند کیا جارہا ہے۔
واضح رہے کہ پاکستان نے 5 ون ڈے میچز کی سیریز کے پہلے میچ میں فخر زمان کی شاندار سینچری کی بدولت نیوزی لینڈ کو 5 وکٹوں سے شکست دی تھی ،5 ون ڈے پر مشتمل سیریز کا دوسرا میچ کل کھیلا جائے گا۔
