ممبئی : بالی ووڈ کی معروف اداکارہ ودیا بالن ان دنوں سوشل میڈیا پر خوب چھائی ہوئی ہیں ان کی مزاحیہ انداز میں بنائی گئی ویڈیوز سے لوگ بہت محظوظ ہوتے ہیں۔
ان کی ایک ویڈیو سوشل میڈیا پر وائرل ہوگئی ہے جس میں وہ خواتین کے میک اپ کے حوالے سے گفتگو کررہی ہیں۔
انسٹاگرام پر پوسٹ کی گئی ویڈیو میں دیکھا جاسکتا ہے کہ وہ کسی تقریب میں جانے کیلئے تیار ہورہی ہیں اور اپنے مخصوص انداز میں لپسنگ کرہی ہیں۔
View this post on Instagram
بیک گراؤنڈ میں ایک مردانہ آواز میں کہا جارہا ہے کہ کچھ لوگ کام ہی ڈانٹ کھانے والے کرتے ہیں، جب بیوی نے ایک بار کہہ دیا کہ وہ پانچ منٹ میں تیار ہوجائے گی تو ہر آدھے گھنٹے بعد پوچھنےکی کای ضرورت ہے کہ اور کتنا ٹائم لگے گا؟
کیپشن میں انہوں لکھاکہ بس پانچ منٹ !! مذکورہ ویڈیو کو ان کے بہت سارے مداحوں نے پسند کیا اور اس پر دلچسپ تبصرے بھی کیے۔
واضح رہے کہ اداکارہ ودیا بالن کا شمار بھارتی فلم انڈسٹری کی صف اول کی اداکاراؤں میں ہوتا ہے، وہ بھارتی فلم سنسر بورڈ کی ممبر بھی رہ چکی ہیں۔
