ہاتھی کو عموماً ٹھنڈا مزاج رکھنے والا جانور گردانا جاتا ہے تاہم جانور آخر کار جانور ہی ہوتا ہے کسی بھی ناخوشگوار صورتحال کے پیش نظر اگر اسے غصہ آجائے تو وہ پورے کھیت کو بھی تباہ کرنے سے گریز نہیں کرتا۔
اسی لیے انسانوں کو بھی اس جنگلی جانور سے دور رہنے کا مشورہ دیا جاتا ہے۔ اکثر لوگ سستی تفریح کے لیے جانوروں کے ساتھ چھیڑ چھاڑ کرتے ہیں جو انہیں کسی بھی مشکل صورتحال سے دوچار کرسکتی ہے۔
اس بار جو ویڈیو ہم آپ کیلئے لے کر آئے ہیں اس میں ایک ہاتھی کسی انسان سے نہیں بلکہ اپنے ہی ایک ساتھی سے لڑ پڑا جس کی ویڈیو سوشل میڈیا پر وائرل ہوگئی، ایک ٹوئٹر صارف نے دو ہاتھیوں کی لڑائی کی ویڈیو شیئر کی تو اس نے لوگوں کو حیران کردیا۔
Clash of Titans !!
VC: WA forward @rameshpandeyifs @susantananda3 pic.twitter.com/CSD71uBHYV— Saket Badola IFS (@Saket_Badola) May 4, 2023
ویڈیو میں دو ہاتھیوں کو ایک دوسرے سے لڑتے ہوئے دکھایا گیا ہے جب کہ کوئی اسے چلتی گاڑی سے ریکارڈ کر رہا ہے۔ دونوں ہاتھی اپنے لمبے دانتوں کو لڑنے کے لیے استعمال کر رہے ہیں۔
اب تک اس ویڈیو کو 14 ہزار سے زیادہ صارفین دیکھ چکے ہیں اور کلپ کے لائکس کی تعداد بھی ہزاروں میں ہیں، انٹرنیٹ صارفین نے کمنٹ سیکشن میں اپنے دلچسپ خیالات کا اظہار بھی کیا۔
