کراچی: قومی ٹیم کے کپتان بابر اعظم نے نیوزی لینڈ کے خلاف آخری ون ڈے میچ کھیلنے کے ساتھ ہی اپنے ایک روزہ کیریئر میں میچز کی سنچری مکمل کرلی ہے۔
قومی ٹیم کے کپتان بابر اعظم کو ون ڈے میچز کی سنچری مکمل کرنے پر کھلاڑیوں کی جانب سے انہیں خصوصی تحفہ دیا گیا جس کی ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ قومی ٹیم کے وکٹ کیپر بیٹر محمد رضوان اور فاسٹ بولر شاہین آفریدی نے بابر اعظم کو 100 نمبر کی خصوصی جرسی پیش کی۔
اس موقع پر بابر اعظم کے ساتھ ٹیم کے دیگر کھلاڑیوں نے خصوصی جرسی کے ہمراہ گروپ فوٹو بھی بنوایا۔
Best Moment of the Day❤️.#BabarAzam #BabarAzam #PakvsNz pic.twitter.com/sE9deRAYrh
— Ehtisham Siddique (@iMShami_) May 7, 2023
واضح رہے کہ بابر اعظم کے 100ویں ون ڈے کے موقع پی سی بی کی جانب سے ان کے ون ڈے اعزاز کی ایک فہرست بھی شیئر کی گئی ہے۔
Journey to 1️⃣0️⃣0️⃣ ODIs ✨
Celebrating @babarazam258's career highlights and achievements pic.twitter.com/EnmhnOReQI
— Pakistan Cricket (@TheRealPCB) May 7, 2023
یاد رہے کہ نیوزی لینڈ کے خلاف چوتھے ون ڈے میچ میں بابر اعظم کے کیریئر کی 18ویں سنچری اسکور کی تھی اور ساتھ ہی تیز ترین 5 ہزار رنز مکمل کرنے والے کھلاڑی بن گئے تھے۔
بابر اعظم کو کیویز کے خلاف چوتھے ون ڈے میچ میں سنچری اسکور کرنے پر میچ کا بہترین کھلاری قرار دیا گیا تھا۔