اسلام آباد : ماہر معاشیات مزمل اسلم کا کہنا ہے کہ آئی ایم ایف پروگرام 9ویں سے11ویں جائزہ کےبغیرختم ہوسکتا ہے،حکومت کو معطل پروگرام کی وجہ سے نقصان کی قیمت کا تجزیہ کرنا چاہیے۔
تفصیلات کے مطابق ماہر معاشیات مزمل اسلم نے سماجی رابطے کی ویب سائٹ ٹوئٹر پر اپنے بیان میں کہا کہ آئی ایم ایف پروگرام 9ویں سے 11 ویں جائزہ کےبغیرختم ہوسکتا ہے، پی ڈی ایم حکومت سے نئے پروگرام پر مذاکرات کی توقع رکھنا مذاق ہے، پی ڈی ایم حکومت سے مذاکرات وقت کے ضیاع سے زیادہ کچھ نہیں، حکومت کو معطل پروگرام کی وجہ سے نقصان کی قیمت کا تجزیہ کرنا چاہیے۔
What is important to understand that if the program ended without concluding 9-11th review, then keeping expectation from PDM to negotiate new program is nothing more than joke and waste of time. One must analyse the cost of the damage due to the suspended program. https://t.co/QrrM36Y2hF
— Muzzammil Aslam (@MuzzammilAslam3) May 8, 2023
خیال رہے پاکستان اور آئی ایم ایف کے درمیان قرض پروگرام تاحال تاخیر کا شکار ہے ، ذرائع کا کہنا ہے کہ آئی ایم ایف پاکستان کے دوست ممالک کی فنڈنگ کی یقین دہانی پر بھی مطمئن نہ ہوا، پاکستان کو مئی اور جون میں 3.7 ارب ڈالر واپس کرنے کا پلان دینا ہوگا۔
ذرائع کا کہنا ہے کہ 3.7 ارب ڈالر کا قرض واپس کرنے کے لیے دوست ممالک سے مزید سپورٹ ظاہر کرنا ہوگی۔
