لاہور: قومی ٹیم کے سابق وکٹ کیپر بیٹر کامران اکمل چھوٹے بھائی عمر اکمل کے کوچ بن گئے۔
سماجی رابطے کی ویب سائٹ ٹوئٹر پر قومی ٹیم کے بیٹر عمر اکمل نے پریکٹس کی ویڈیو شیئر کی جس میں دیکھا جاسکتا ہے کہ بڑے بھائی کامران اکمل انہیں بیٹنگ پریکٹس کروا رہے ہیں۔
کامران اکمل نیشنل کرکٹ اکیڈمی لاہور میں عمر اکمل کو ہارڈ ہٹنگ پریکٹس کراتے رہے۔
عمر اکمل نے ویڈیو شیئر کرتے ہوئے لکھا کہ ’ایک بھائی ہمیشہ آپ کے ساتھ کھڑا رہتا ہے، بھائی کامران اکمل آپ کا خیال رکھنے اور ساتھ دینے کا بہت شکریہ۔‘
مڈل آرڈر بیٹر عمر اکمل نے مزید لکھا کہ ’کامرن اکمل آپ میرے رول ماڈل ہیں۔‘
' A Brother will always stand by You '
Thank you brother @KamiAkmal23 all the support and care you are my role model special thank and respect for supporting and guiding me in tough times .🙏❤️ pic.twitter.com/t16OExKy7Q— Umar Akmal (@Umar96Akmal) May 8, 2023
واضح رہے کہ اس سے قبل کامران اکمل نے پی سی بی سے عمر اکمل کو ورلڈ کپ 2023 سمیت آئندہ سیزن کے لیے وائٹ بال ٹیم میں شامل کرنے کی درخواست کی تھی۔
