کراچی: ملیر میں پولیس نے چینی باشندے پر حملے کی کوشش ناکام بناتے ہوئے ایک دہشتگرد کو ہلاک کردیا۔
پولیس حکام کے مطابق دہشتگرد پاک چائنا شپ یارڈ میں مقیم غیر ملکیوں کو نشانہ بنانا چاہتا تھا تاہم پہلے سے بھی خفیہ اطلاع پر پولیس یارڈ کے اطراف تعینات تھی۔
پولیس حکام نے بتایا کہ فائرنگ کے تبادلے میں دہشت گرد مارا گیا جبکہ ایک پولیس کانسٹیبل بھی زخمی ہوا ہے۔
- Advertisement -
پولیس نے بتایا کہ بظاہر لگتا ہے دہشت گرد نے خود کش جیکٹ پہن رکھی ہے، بم ڈسپوزل اسکواڈ کو معائنہ کیلئے طلب کر لیا گیا ہے۔
پولیس حکام نے مزید بتایا کہ ہلاک دہشت گرد سے ایس ایم جی اور دیگر سامان بھی برآمد ہوا ہے، تاہم فرار حملہ آور کی تلاش جاری ہے۔
