فیصل آباد : وفاقی وزیر داخلہ راناثنااللہ کے گھر پر حملہ کرنے والے 250 ملزمان کیخلاف مقدمہ درج کرلیا گیا، مقدمے میں دہشت گردی کی دفعات سمیت 15 دفعات شامل کی گئیں ہیں۔
تفصیلات کے مطابق فیصل آباد کی پولیس نے وفاقی وزیر داخلہ راناثنااللہ کے گھر پر حملہ کرنے والے 250ملزمان کیخلاف مقدمہ درج کرلیا۔
مقدمہ سب انسپکٹرغلام مصطفیٰ کی مدعیت میں تھانہ سمن آبادمیں درج کیا گیا۔
مقدمے کے متن میں کہا گیا ہے کہ ملزمان نے وفاقی وزیرداخلہ راناثنااللہ کےگھر پر پتھراؤ کیا جبکہ رانا ثنااللہ کےگھرداخل ہوئےتوڑپھوڑکی اور نعرے بازی کی۔
پولیس کا کہنا ہے کہ مقدمہ فرخ حبیب کےبھائی سمیت 300 افراد کے خلاف درج کیا گیا، مقدمے میں دہشت گردی کی دفعات سمیت 15 دفعات شامل کی گئیں ہیں۔
گذشتہ روز چیئرمین پی ٹی آئی عمران خان کی گرفتاری کے خلاف مظاہرہ کرتے ہوئے پی ٹی آئی کارکنوں کی بڑی تعداد رانا ثنا اللہ کے گھر کے باہر جمع ہوگئی اور گھر پر پتھراؤ کیا ۔
اس موقع پر پولیس کی جانب سے کارکنوں کو منتشر کرنے کے لیے لاٹھی چارچ بھی کیا۔
