لاہور: قانون نافذ کرنیوالے اداروں نے جناح ہاؤس میں حملہ کرنیوالےکچھ شر پسندوں کی شناخت کر لی ہے۔
جناح ہاؤس اور دیگر فوجی تنصیبات پر حملہ کرنیوالے شر پسندوں کی شناخت کاسلسلہ جاری ہے، قانون نافذ کرنیوالے اداروں نے حملہ کرنیوالےکچھ شر پسندوں کی شناخت کر لی جبکہ دیگرکی شناخت بھی جاری ہے۔
جناح ہاؤس کو جلانے، توڑ پھوڑ کرنے، قیمتی اشیاو دستاویزات چوری کرنیوالے شرپسندوں کیخلاف قانونی کاروائی کا آغاز ہوچکا ہے، کور کمانڈر ہاؤس کا جلاؤ گھیراؤ، توڑ پھوڑ کی پرتشدد کارروائیوں میں حصہ لینے والوں میں اب تک بیشتر افراد کی شناخت ہوگئی ہے۔
کور کمانڈر لاہور کا گھر کلیئر کرانے کے دوران ڈی آئی جی آپریشنز زخمی
ان شر پسندوں کے خلاف، انسداد دہشت گردی کے تحت ایف آئی آر درج کی گئی ہے، اب تک شرپسندوں میں اویس مشتاق ،عباد فاروق، محمد حاشر خان اور جہانزیب خان کی نشاندہی کی گئی ہے۔
لاہور کینٹ میں احتجاج، پی ٹی آئی قیادت کیخلاف مقدمہ درج
پرتشدد کارکنان مسلح آتشی اسلحہ، ڈنڈے، پتھر اور پٹرول بم سے لیس تھے، ایسے مزید افراد جنہوں نے دیگر علاقوں میں املاک کو نقصان پہنچایا وہ بھی قانون کی گرفت میں آرہے ہیں۔
