اسلام آباد: وفاقی وزیر اطلاعات مریم اورنگزیب برطانوی صحافی کے سوالات کے سامنے بے بس نظر آئیں۔
تفصیلات کے مطابق مریم اورنگزیب نے گزشتہ روز امریکی ٹی وی اسکائی نیوز کو انٹرویو دیا، انٹرویو کے دوران وہ پوری طرح بے بس دکھائی دیں۔
اسکائی نیوز کی خاتون رپورٹر نے ان سے سوال کیا کہ سپریم کورٹ نے عمران خان کی گرفتاری غیر قانونی قرار دی تو کیا آپ اب ہائیکورٹ سے برعکس امید لگائے بیٹھی ہیں؟
مریم اورنگزیب نے جواب میں سارے معاملے سے ہی لاتعلقی ظاہر کر دی۔ سپریم کورٹ پر اعتماد کے سوال پر بھی مریم اورنگزیب لاجواب ہو گئیں، اور پھر بولیں کہ ادارے پر اعتماد ہے تاہم اس میں موجود افراد پر سوالات ہیں۔
عمران خان کو گرفتار یا خاموش کرانا ہوتا تو 14 ماہ انتظار نہ کرتے، مریم اورنگزیب
عمران خان کی عدالت سے گرفتاری کے سوال پر بھی وفاقی وزیر اطلاعات جواب کی بجائے الٹا رپورٹر سے سوال کرتی رہیں۔ عمران خان کی مقبولیت کی سروے رپورٹس کو بھی یک سر مسترد کرتی نظر آئیں۔
