اسلام آباد: سینیٹر فلک ناز کی بازیابی کے لیے اُن کے بیٹے نے عدالت میں درخواست دائر کر دی۔
تفصیلات کے مطابق پاکستان تحریک انصاف کی رہنما سینیٹر فلک ناز کے بیٹے کی جانب سے اسلام آباد ہائی کورٹ سے رجوع کیا گیا ہے۔
عدالت کو دی جانے والی درخواست میں کہا گیا ہے کہ بدھ کے روز پولیس لائن اسلام آباد کے باہر سے درخواست گزار کی والدہ کو گرفتار کیا گیا، فلک ناز کے بیٹے نے درخواست میں کہا ’’میری والدہ کو تین اہم پی او کے تحت نظر بند کیا گیا ہے، عدالت سے استدعا ہے کہ والدہ کو بازیاب کرایا جائے۔‘‘
- Advertisement -
فلک ناز کے بیٹے نے وکیل ایمان مزاری کے توسط سے درخواست دائر کی ہے، رجسٹرار آفس کی جانب سے درخواست پر کوئی اعتراض نہیں لگایا گیا۔
