اسلام آباد: سابق وزیر مملکت شہریار آفریدی کو بھی گرفتار کر لیا گیا۔
تفصیلات کے مطابق پاکستان تحریک انصاف کے رہنما شہریار آفریدی کو بھی گرفتار کر لیا گیا ہے، پولیس حکام نے کہا ہے کہ شہریار آفریدی کو سیکٹر ایف 8 سے تھری ایم پی او کے تحت گرفتار کیا گیا۔
جڑانوالہ میں بھی پی ٹی آئی رہنماؤں کے خلاف درج ایف آئی آر میں شامل رہنماؤں اور کارکنان کی گرفتاریوں کے لیے چھاپے مارے گئے، اور پولیس نے سابق ٹکٹ ہولڈر پی ٹی آئی ملک ظفر اقبال کھوکھر کو گرفتار کر لیا۔
- Advertisement -
پی ٹی آئی رہنما علی زیدی کی رہائشگاہ سب جیل قرار
ادھر کراچی میں محکمہ داخلہ سندھ نے پی ٹی آئی رہنما علی زیدی کی ڈیفنس میں واقع رہائش گاہ کو سب جیل قرار دے دیا ہے، ان کے گھر کے اطراف میں پولیس کی نفری تعینات کر دی گئی ہے۔
