اسلام آباد ہائیکورٹ نے گرفتار پی ٹی آئی رہنما اسد عمر کے میڈیکل چیک اپ کا حکم دے دیا۔
تفصیلات کے مطابق اسد عمر کی اہلیہ کی جانب سے اسلام آباد ہائیکورٹ میں دائر درخواست پر جسٹس میاں گل حسن اورنگزیب نے سماعت کی۔
اسد عمر کے وکیل کی جانب سے دائر درخواست میں مؤقف اپنایا گیا کہ اسد عمر کی فیملی کو ملنے نہیں دیا جا رہا اسد عمر کو فیملی سے ملاقات ان کی آئینی حق ہے اسد عمر کو وکلاء سے بھی ملنے نہیں دیا جا رہا۔
عدالت نے اسد عمر کی فیملی اور وکلا سے ملنے کی اجازت دے دی۔ ہائیکورٹ نے گرفتار پی ٹی آئی رہنما اسد عمر کے میڈیکل چیک اپ کا حکم دیتے ہوئے کہا کہ اگر ضرورت پڑے تو جیل ڈاکٹرز کے علاوہ باہر سے اسپیشلسٹ ڈاکٹرز سے معائنہ کرایا جائے۔
واضح رہے کہ 9 مئی کے پرتشدد واقعات، جلاو گھیراو اور ہنگامہ آرائی کیس میں اسدعمر سمیت پی ٹی آئی کے کئی رہنماوں کو گرفتار کر کے اڈیالہ جیل میں رکھا گیا ہے۔
