پاکستان کے معروف شخصیات نے ملک کے موجودہ حالات کے تناظر میں اپنے خیالات کا اظہار اور عوام کو پیغام دیا ہے۔
پاکستان کے معروف اداکار اور گیم شو ہوسٹ فہد مصطفی نے ویڈیو پیغام میں کہا کہ پاک فوج عظیم ہے انکی قربانیاں ملک کیلئے ہم سب جانتے ہیں، ہر مشکل گھڑی میں پاک فوج ہمارے ساتھ کھڑی رہی۔
اداکارفہد مصطفی کا کہنا تھا کہ پاک فوج سے بغض رکھنا پاکستان سے دشمنی کرنے کے برابر ہے، اپنی سیاست ضرور کریں لیکن پاک فوج کو درمیان میں نہ لائیں۔
سماجی کارکن رمضان چھیپا نے کہا کہ املاک پرحملے، چادر چار دیواری کی پامالی اسلامی، سیاسی کلچر نہیں، اپنے ہی ہاتھوں سے خود کو نقصان پہنچانا کہاں کی عقلمندی ہے، اپنی ہی املاک کو جلانا کہاں کا انصاف ہے، ایسے واقعات سے دنیا بھر میں ہمارا امیج متاثر ہوتا ہے۔
گلوکار، اداکار و میزبان فخرِ عالم نے ویڈیو پیغام میں کہا کہ مجھے فخر ہے افواج پاکستان پر،میں پاک فوج کیساتھ کھڑا ہوں، پاکستان زندہ آباد۔
اینکر پرسن شازیہ خان نے ویڈیو پیغام میں کہا کہ کیا شہداکی بچیوں نے اپنی ماؤں سے پوچھا نہیں ہوگا، انہی شر پسندوں کیلئے میرے باپ نے اپنی جان کا نذرانہ پیش کیا، آج شہید کی اہلخانہ پوچھ رہے ہیں جو کام دشمن نہ کر سکا وہ تم کیسے کر گئے۔
