ریاض: سعودی عرب میں سال 2022 کے دوران 100 ملین سے زائد گیس سلنڈر استعمال کیے گئے، ہر گیس سلنڈر 11 کلو گرام کی گنجائش کا تھا۔
اردو نیوز کے مطابق سعودی گیس کمپنی غازکو کا کہنا ہے کہ سنہ 2022 کے دوران 7 سینٹرز سے 100 ملین سے زائد گیس سلنڈرز ری فل کیے گئے۔
سنہ 2021 کے دوران 99 ملین گیس سلنڈر بھرے گئے تھے جن میں سے ہر ایک 11 کلو گرام کی گنجائش کا تھا۔
- Advertisement -
غازکو نے 2022 سے متعلق اپنی سالانہ رپورٹ میں کہا ہے کہ ریاض، جدہ، دمام، خمیس مشیط، القصیم، مدینہ منورہ اور طائف میں 7 اسٹیشن ہیں، علاوہ ازیں ریاض میں گیس سلنڈر کو دوبارہ قابل استعمال بنانے والا اسٹیشن بھی ہے۔
غازکو آرامکو سے گیس حاصل کرتا ہے اور سپلائی کا کام اسپیشل ٹینکرز سے لیا جاتا ہے، غازکو کا کہنا ہے کہ 2022 کے دوران 620 ملین لیٹر سے زیادہ گیس صارفین کو فراہم کی گئی۔
