لاہور : حکومت اور چیئرمین تحریک انصاف عمران خان کے درمیان زمان پارک میں آپریشن کے لئے مذاکرات آج ہوں گے۔
تفصیلات کے مطابق نو مئی کے واقعات میں ملوث افراد کی گرفتاری کے لیے حکومت اور چیئرمین تحریک انصاف عمران خان کے درمیان مذاکرات آج ہوں گے۔
حکومتی ٹیم دوبجے کے بعد کمشنر لاہور کی سربراہی میں زمان پارک جائے گی، عمران خان کی رہائشگاہ کی سرچ پر اتفاق رائے ہونے کی صورت میں 400 پولیس اہلکار زمان پارک کے سرچ آپریشن کا حصہ بنیں گے۔
یاد رہے نگراں وزیر اطلاعات پنجاب عامرمیر نے آج سات بجے تک وارننگ دیتے ہوئے کہا تھا کہ تلاشی دی جائے ورنہ قانون کے مطابق ایکشن ہوگا۔
نگراں وزیر اطلاعات کا کہنا تھا کہ ٹی وی کیمروں کی موجودگی میں تلاشی لی جائےگی ، اگر سرچ آپریشن نہیں کرنےدیاگیاتوشام سات بجےمیٹنگ میں آئندہ کافیصلہ ہوگا۔
نگراں وزیراطلاعات پنجاب نے بتایا تھا کہ ہم زمان پارک کو ڈرون کیمروں کےذریعےمانیٹرکررہےہیں،عدالت میں سرچ وارنٹ کیلئے درخواست دی ہوئی ہے، عمران خان سرچ آپریشن نہیں کرنے دینگے تو قانون سب کیلئےایک ہے۔
