قومی ٹیم کے نوجوان فاسٹ بولر احسان اللہ نے منگنی کرلی جس کی ویڈیو سوشل میڈیا پر وائرل ہوگئی۔
نوجوان فاسٹ بولر احسان اللہ کی منگنی کی تقریب سے لیا گیا ایک ویڈیو کلپ سوشل میڈیا پر وائرل ہورہا ہے جس میں انہیں عزیز و اقارب کے درمیان بیٹھے مٹھائی کھاتے دیکھا جاسکتا ہے۔
احسان اللہ کی منگنی کی تقریب کا انعقاد اتوار کے روز سوات کے علاقے مٹہ میں کیا گیا، احسان اللہ کی منگیتر کا تعلق ان کے خاندان سے ہے۔
فاسٹ بولر کی منگنی کی تقریب میں ان کے عزیز واقارب اور خاندان کے افراد نے شرکت کی ۔
خیال رہے کہ پاکستان سپر لیگ میں اسپیڈ اور وکٹوں سے اپنی شناخت بنانے والے احسان اللہ افغانستان کے خلاف3 ٹی ٹوئنٹی میچز کی سیریز کے لیے پاکستان اسکواڈ کا حصہ تھے۔
فاسٹ بولر پی ایس ایل میں ملتان سلطانز کی نمائندگی کرتے ہیں اور 21 وکٹیں حاصل کر چکے ہیں۔
