بھارت کی ریاست اتر پردیش میں ایک باپ نے منع کرنے کے باوجود نشہ کرنے پر بیٹے کا سر کاٹ کر جسم سے الگ کر دیا۔
میڈیا رپورٹس کے مطابق ویرایا نامی شخص کا بیٹا نشے کا عادی تھا۔ دونوں میں اکثر اس بارے میں بحث ہوتی تھی اور کبھی کبھی تو بات ہاتھا پائی تک پہنچ جاتی تھی۔
ایک دن تنگ آکر ویرایا نے بیٹے کا سر تیز دھار آلے سے کاٹ کر جسم سے الگ کر دیا اور اسے بوری میں ڈال کر قریبی پولیس اسٹیشن پہنچ گیا۔
- Advertisement -
جب ملزم نے تھانے پہنچ کر بتایا کہ بوری میں بیٹے کا کٹا ہوا سر ہے تو پولیس اہلکاروں کے ہوش اڑ گئے۔ بوری سے خون کے قطرے ٹپک رہے تھے۔
ملزم نے پولیس کو بتایا کہ بیٹے کی بُری عادتوں سے تنگ آ چکا تھا، میں نے اسے بہت دفعہ سمجھانے کی کوشش کی لیکن وہ مجھ سے لڑائی کرتا تھا، رات گئے میں نے اس کا قتل کر دیا۔
پولیس نے ملزم کو گرفتار کر کے معاملے کی تحقیقات شروع کر دی۔
