پی ٹی آئی کے منحرف رکن محمود مولوی نے شاہ محمود سے متعلق فواد چوہدری کے دعوے کی نفی کردی۔
اے آر وائی نیوز کے پروگرام خبر میں گفتگو کرتے ہوئے محمود مولوی نے بتایا کہ شاہ محمود سے جیل میں میٹنگ کی جو کہ 45 منٹ تک جاری رہی، ملاقات میں میرے علاوہ عامرکیانی،عمران اسماعیل اور فوادچوہدری بھی شامل تھے۔
محمودمولوی نے کہا کہ اندرکوئی ایسی بات نہیں ہوئی تھی جو فواد چوہدری نے باہربات کی شاہ محمودقریشی سے پارٹی چھوڑنےسےمتعلق کوئی بات نہیں ہوئی،عامرکیانی گاڑی میں بیٹھےتھےانہیں پیغام بھجوایاوہ بات کرنےنہیں آئے۔
یہ بھی پڑھیں: عوام کو آصف زرداری اور نواز شریف کے سہارے نہیں چھوڑا جا سکتا، فواد چوہدری
نئی سیاسی جماعت میں شمولیت سے متعلق سوال پر منحرف رکن پی ٹی آئی کا کہنا تھا کہ دو تین روز میں چیزیں واضح ہوجائیں گی،مشاورتیں جاری ہیں، پی ٹی آئی کی خالی جگہ پرکوئی نہ کوئی پارٹی توآئےگی۔
انہوں نے کہا کہ جہانگیرترین سےمیری کوئی بات نہیں ہوئی ہے، علیم خان، چوہدری سرور بھی بہت متحرک ہیں، موجودہ حالات کو دیکھتےہوئے چیئرمین پی ٹی آئی کہیں نظرنہیں آرہے۔
محمود مولوی کا کہنا تھا کہ آزادحیثیت سے الیکشن میں نہیں اتریں گے، کچھ نہ کچھ سامنےآجائیگا،سیاست میں آنےیاالیکشن لڑنےکامیراکوئی پروگرام نہیں ہے۔
