تعلیم، سیاحت یا روزگار کے حصول کیلئے اٹلی جانے کے خواہشمند افراد کو یہ مضمون پڑھ کر سیر حاصل معلومات مل سکتی ہیں جو اٹلی کے سفر میں کافی مددگار ثابت ہوں گی۔
سب سے پہلی بات یہ ہے کہ بحیثیت پاکستانی آپ کو اٹلی میں داخل ہونے کے لئے ویزا کی موجودگی لازمی ہے جبکہ کچھ ممالک ایسے ہیں جن کے شہریوں کو وہاں جانے کیلئے کسی ویزے کی قطعی ضرورت نہیں۔
اس کے علاوہ یورپی یونین سے تعلق نہ رکھنے والے ممالک کے شہری90 دن سے زائد عرصے تک اٹلی جانے یا وہاں کام کرنے کی منصوبہ بندی کرسکتے ہیں، اس کیلیے آپ کو ایک عدد پاسپورٹ کی ضرورت ہوگی۔
اٹلی کے ویزے کی ضروریات میں تبدیلی ہوسکتی ہے جس کے پیش نظر آپ کو وہاں کا سفر کرنے سے پہلے تازہ ترین معلومات کا حصول اور مشورہ کرنا بھی لازمی ہے۔
ویزا کیلیے کیسے اپلائی کریں؟
ویزے کے حصول کیلئے اٹلی ویزا کی ویب سائٹ پر جائیں اور وہاں آپ اپنی قومیت اور رہائشی ملک کے آپشن میں اندراج کریں اس کے بعد آپ کتنی مدت تک (90 دن تک یا 90 سے زائد دن) کیلیے جانے کی کیا منصوبہ بندی کررہے ہیں اور آپ کے وہاں جانے کی وجہ کیا ہے؟ اس کے بارے میں تفصیلات درج کریں۔
اگر آپ ایک سیاح کی حیثیت سے جانا چاہتے ہیں تو سیاحت کے خانے کا انتخاب کریں، آپ کو ویزا کی ضرورت ہے تو یہ بتانے کیلئے ’تصدیق‘ پر کلک کریں، اور یہ بات بھی ذہن میں رکھیں کہ اگر آپ شینگر ویزا زون میں 26 سے زائد ممالک کا دورہ کر رہے ہیں تو آپ ہر ملک کے لئے ویزا کی ضرورت نہیں ہے۔
اطالوی ویزا کیسے حاصل کرنا ہے؟
اگر آپ کو ویزا کی ضرورت ہوئی تو آپ کو ویب سائٹ کے اسی صفحے پر لے جایا جائے گا، یہ بات بھی ذہن نشین کرلیں کہ ایک بار درخواست کی جمع کرانے کی صورت میں یہ ضمانت نہیں دی جاتی کہ آپ کو ویزا لازمی ملے گا لہٰذا اس وقت تک سفر نہ کریں جب تک کہ آپ کے پاس اصل ویزا نہیں ہے۔
اگر آپ کے ذہن میں مزید سوالات ہوں یا اپنے ویزا کی درخواست کے ساتھ کسی مدد کی ضرورت ہو تو آپ اس صفحہ پر کچھ ای میل ایڈریس موجود ہیں جن سے رابطہ کیا جاسکتا ہے۔
یاد رکھیں ویزا کے حوالے سے سوالات کیلئے براہ راست اپنے ملک میں سفارت خانے یا قونصل خانے کے دیے گئے ای میل ایڈریس پر بھی رابطہ کرسکتے ہیں۔
