اسلام آباد: حکومت کا عالمی مالیاتی ادارے (آئی ایم ایف) کے ساتھ ڈیڈ لاک ختم ہوگیا۔
اے آر وائی نیوز کے مطابق ذرائع کا بتانا ہے کہ حکومت نے آئی ایم ایف کے ساتھ اسٹاف لیول معاہدے کے لیے 90 فیصد شرائط پوری کردی ہیں جس کے بعد کل اسٹاف لیول معاہدے کا امکان ہے۔
ذرائع کا بتانا ہے کہ پاکستان نے سالانہ ایک لاکھ ڈالر پاکستان لانے کی اسکیم ختم کردی ہے۔
سال کی سب سے بڑی خبر، آئی ایم ایف کے ساتھ ڈیڈ لاک ختم#ARYNews #IMF pic.twitter.com/IYmQ8S5YKV
— ARY NEWS (@ARYNEWSOFFICIAL) June 26, 2023
پاکستان نے آئی ایم ایف کی شرط پر شرح سود میں ایک فیصد اضافہ کردیا جس کے بعد بنیادی شرح سود 21 سے بڑھ کر 22 فیصد ہوگئی ہے۔
ذرائع کا کہنا ہے کہ آئی ایم ایف کو 9 ٹیبلز پر مشتمل میمورنڈم آف اکنامک اینڈ فنانشل پالیسز بھیج دیا گیا ہے، اب آئی ایم ایف کی فنانشل ماہرین کی ٹیم ایم ای ایف پی کا جائزہ لے گی۔
حکومت اور آئی ایم ایف کے درمیان آج رات اسٹاف لیول معاہدے کے لیے مذاکرات ہوں گے، وزیر خزانہ اسحاق ڈار آئی ایم ایف کے ساتھ مذاکرات کو حتمی شکل دیں گے۔
