راولپنڈی : سیکیورٹی فورسز نے باجوڑ میں خفیہ اطلاع پر آپریشن کرتے ہوئے کمانڈر شفیع سمیت 3 دہشت گردوں کو ہلاک کردیا اور ان کے قبضے سے ہتھیار اور گولیاں برآمد کرلیں۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ سیکیورٹی فورسز نے دہشت گردوں کی موجودگی کی اطلاعات پر ضلع باجوڑ کے علاقے عنایت قلعہ میں انٹیلی جنس پر مبنی آپریشن کیا۔
آئی ایس پی آر کا کہنا ہے کہ سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، فائرنگ کے تبادلے میں دہشت گرد کمانڈر شافی سمیت 3 دہشت گرد ہلاک ہوگئے۔
ترجمان نے بتایا کہ مارے گئے دہشت گردوں کے سے اسلحہ اور گولہ بارود بھی برآمد ہوا، ہلاک دہشت گرد سیکیورٹی فورسزکیخلاف دہشت گردی کی کارروائیوں سمیت معصوم شہریوں کے قتل میں بھی ملوث تھے۔
آئی ایس پی آر نے مزید کہا کہ علاقے میں ممکنہ دہشت گردوں کے خاتمے کیلئے آپریشن بھی کیا گیا، علاقہ مکینوں نے آپریشن کو سراہا اور دہشت گردی کی لعنت کے خاتمے کیلئے بھرپورتعاون کے عزم کا اظہار کیا۔
