خان پور : سابقہ شوہر نے بیوی کی نازیبا ویڈیو اور تصاویر وائرل کردیں، پولیس نے مقدمہ درج کرکے ایک ملزم خالد گرفتار کرلیا۔
تفصیلات کے مطابق پنجاب کے شہر خانپور میں سابقہ خاوند نے دشمنی پر بیوی کی نازیبا ویڈیو اور تصاویر وائرل کردیں۔
ڈی ایس پی کے احکامات پر صدر پولیس نے مقدمہ درج کرلیا ہے اور کارروائی میں ایک ملزم خالد گرفتار کرلیا ہے۔
پولیس کا کہنا ہے کہ دیگرملزمان کی گرفتاری کے لیے پولیس چھاپے مار رہی ہے۔
یاد رہے کراچی میں ایسے ہی ایک واقعے میں فیڈرل انویسٹی گیشن ایجنسی (ایف آئی اے) کے سائبر کرائم ونگ نے سابقہ بیوی کو واٹس ایپ کے ذریعے بلیک میل کرنے والے شخص کو گرفتار کرلیا۔
متاثرہ خاتون نے بتایا کہ اُن کا سابقہ شوہر پرانی تصاویر واٹس ایپ پر بھیج کر بلیک میل کررہا ہے اور شوہر پر الزام عائد کیا تھا کہ وہ تصاویر کو ڈیلیٹ کرنے کے عوض ڈھائی لاکھ روپے مانگ رہا ہے اور نہ دینے کی صورت میں انہیں وائرل کرنے کی دھمکی دے رہا ہے۔