کراچی: گلشن اقبال یونیورسٹی روڈ کے قریب اسپتال کے اندر سیکیورٹی گارڈ کی اتفاقیہ گولی لگنے سے ایک شخص جاں بحق ہوگیا۔
اے آر وائی نیوز کے مطابق کراچی کے علاقے گلشن اقبال یونیورسٹی روڈ کے قریب اسپتال کے اندر سیکیورٹی گارڈ کی اتفاقیہ گولی لگنے سے ٹنڈو آدم سے تیماداری کے لیے آنے والا شخص جاں بحق ہوگیا۔
پولیس کا کہنا ہے کہ مقتول کی شناخت گلزار کے نام سے ہوئی ہے، گلزار ٹنڈو آدم سے اپنے رشتے دار کے علاج کے لیے پہنچا تھا۔
- Advertisement -
پولیس نے بتایا کہ اسپتال کے سیکیورٹی گارڈ کی غفلت سے گولی چل گئی،گلزار سو رہا تھا جس کو گولی جا لگی۔
پولیس کے مطابق سیکیورٹی گارڈ کو ہتھیار سمیت گرفتار کر لیا گیا ہے، لواحقین کا انتظار کر رہے ہیں، انکی مدعیت میں مقدمہ درج ہوگا۔
