اسلام آباد : پاکستان مسلم لیگ کے مرکزی رہنما اور وزیر دفاع خواجہ آصف نے کہا ہے کہ افغانستان ہمسایہ اور برادر ملک ہونے کا حق ادا نہیں کررہا۔
سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ افغانستان ہمسایہ اور برادر ملک ہونے کا حق ادا نہیں کررہا، افغانستان دوحہ معاہدے کی پاسداری بھی نہیں کررہا۔
انہوں نے کہا کہ 50/60لاکھ افغانیوں کو تمام تر حقوق کے ساتھ پاکستان میں 40/50 سال سے پناہ میسر ہے، اس کے برعکس پاکستانیوں کا خون بہانے والے دہشت گردوں کو افغان سرزمین پہ پناہ گاہیں میسر ہیں، یہ صورت حال مزید جاری نہیں رہ سکتی۔
افغانستان ھمسایہ اور برادر ملک ھونے کا حق نہیں ادا کر رہا اور نہ ھی دوہہ معاہدے کی پاسداری کر رہا ھے. 50/60 لاکھ افغانوں کو تمامتر حقوق کیساتھ پاکستان میں 40/50 سال پناہ میسر ھے. اسکے بر عکس پاکستانیوں کا خون بہانے والے دھشت گردوں کو افغان سر زمین پہ پناہ گائیں میسر ھیں. یہ صورت…
— Khawaja M. Asif (@KhawajaMAsif) July 15, 2023
خواجہ آصف کا مزید کہنا تھا کہ پاکستان اپنی سرزمین اور شہریوں کے تحفظ کیلئے تمام تر وسائل بروئے کار لائے گا، انشاءاللہ۔
اپنے ایک اور ٹوئٹ میں انہوں نے کہا کہ جن لوگوں نے پی ٹی آئی کی حکومت میں اسمبلی میں آکر ممبران کو بریفنگ دی اور افغانستان سے ٹی ٹی پی کو پاکستان لا کر بسانے کے فوائد بتائے اور پھر جزاروں کو لے آئے۔ وہ لوگ آج روزانہ شہید ہونے والوں کے وارثوں کو بھی کچھ بتائیں۔
جن لوگوں نے PTI کی حکومت میں اسمبلی میں آکر ممبران کو بریفنگ دی اور افغانستان سے TTP کو پاکستان لا کر بسانے کے فوائد بتاۓ اور پھر جزاروں کو لے آۓ۔ وہ لوگ آج روزانہ شہید ھونے والوں کے وارثوں کو بھی کچھ بتائیں ۔ یہی لوگ تھے جنہوں نے 2018 میں عمران خان کا پراڈکٹ لانچ کیا اور اس…
— Khawaja M. Asif (@KhawajaMAsif) July 15, 2023
انہوں نے کہا کہ یہی لوگ تھے جنہوں نے 2018 میں عمران خان کا پراڈکٹ لانچ کیا اور اس پراڈکٹ نے قوم کو9مئی کا منحوس دن دکھایا اور پھر 4 سال یہ گارنٹی کیا کہ وطن عزیز ہر لحاظ تباہی کا شکار ھو جائے۔ اللہ پاک شہداء کے خون کے صدقے اس پاک سرزمین کی حفاظت فرمائے، آمین
