کندھ کوٹ : اندرون سندھ کے شہر کندھ کوٹ میں بچوں کے اغواء کی وارداتوں میں دن بہ دن اضافہ ہوتا جارہا ہے، آج بھی نامعلوم افراد نے 3 سالہ بچی کو اغواء کرلیا۔
تفصیلات کے مطابق کندھ کوٹ کے علاقے گلشیر محلہ سے 3 سالہ بچی کو مسلح موٹر سائیکل سوارڈاکوؤں نے اغواء کرلیا۔
اس حوالے سے ذرائع کا کہنا ہے کہ موٹر سائیکل پر سوار دو نامعلوم مسلح افراد نے بچی کو گھر کے باہر کھیلتے ہوئے اغواء کیا۔
- Advertisement -
اے آر وائی نیوز کندھکوٹ نمائندے علی حسن ملک کے مطابق کندھ کوٹ کے مختلف علاقوں سے اغواء ہونے والے بچوں کی تعداد اب تک 6ہوچکی ہے تاہم مقامی پولیس بدستور اپنے فرائض کی انجام دہی سے غافل ہے۔
