پشاور: گزشتہ رات علاقے بڈھ بیر میں پولیس موبائل پر حملہ کرنے والے دہشتگرد پیدل آئے اور فائرنگ کر کے با آسانی فرار ہو گئے جس سے متعلق تحقیقاتی ٹیم نے اہم انکشاف کیا ہے۔
تفصیلات کے مطابق تحقیقاتی ٹیم کی ابتدائی رپورٹ میں یہ انکشاف ہوا کہ پولیس ٹیم کے تعاقب میں حملہ آوور پہلے سے بیٹھے ہوئے تھے، حملہ آوور پیدل آئے، قریب سے پولیس پارٹی کو نشانہ بنایا اور حملے کے بعد کھیتوں سے راستے سے فرار ہوگئے۔
تحقیقاتی ٹیم کے مطابق جائے وقوعہ سےکلاشنکوف کی گولیوں کے خول ملے ہیں، حملہ آوور واقعے کے بعد کھیتوں کے راستے فرار ہو گئے۔
- Advertisement -
واضح رہے کہ بڈھ بیر میں پولیس موبائل پر ہونے والے دہشتگرد حملے میں یار محمد شہید اور دو اہلکار سب انسپکٹر فرید خان اور کانسٹیبل غلام حسین زخمی ہوئے تھے۔
