پشاور: پشاورمیں دہشتگردی کابڑا منصوبہ ناکام بنا دیا گیا۔ سیکیورٹی کے باعث دہشت گرد بس میں نوہزار ڈیٹونیٹرزسے بھراصندوق چھوڑکرفرار ہو گئے۔ پولیس نے صندوق تحویل میں لے کر تحقیقات شروع کردیں ہیں۔
تفصیلات کے مطابق پشاور میں دہشتگردی کا بڑا منصوبہ ناکام بنا کر پولیس نے کارخانو چیک پوسٹ کے قریب ڈیٹونیٹرز سے بھر ا صندوق قبضے میں لے لیا ہے۔ قانون نافذ کرنے والے اداروں کی اطلاع کے مطابق ڈیٹو نیٹرز علاقہ غیر سے پشاور منتقل کئے جارہے تھے تاہم سخت سیکورٹی اقدامات کے باعث تخریب کار ڈیٹونیٹرز سے بھرا صندوق چیک پوسٹ سے کچھ فاصلے پر چھوڑ کرچلے گئے۔
پولیس اور بی ڈی ایس نے بروقت کارروائی کرکے ڈیٹونیٹرز قبضے میں لے لئے ہیں اور تحقیقات شروع کر دی ہے۔ ذرائع کا کہنا ہے کہ اسلحے کے ذریعے خیبر پختونخوا میں بڑے پیمانے پر تباہی کا اندیشہ تھا۔
