قومی ٹیم کے کپتان بابر اعظم کی شادی سے متعلق سوشل میڈیا پر چلنے والی خبروں پر ان کے منیجر کا بیان سامنے آگیا۔
سماجی رابطے کی ویب سائٹ ٹوئٹر پر قومی ٹیم کے کپتان بابر اعظم کے منیجر نے لکھا کہ ’یہ بات بابر اعظم اور ان کی فیملی کے لیے بھی ایک خبر ہے، نومبر بابر اعظم کی شادی سے متعلق گردش کرتی غلط ہے۔
بابر اعظم نے بھی سوشل میڈیا پر اپنے منیجر کے بیان کی توثیق کردی ہے۔
قومی ٹیم کے کپتان کے منیجر نے عوام سے اپیل کرتے ہوئے کہا کہ غیر مصدقہ خبروں کو شیئر نہ کریں۔
The earth-shattering news of Kaptaan Babar Azam's wedding in November is completely fake. In fact, this is a ‘news’ for even him and his family. Kindly avoid sharing the unverified news. Thank you 🙏
— Saya Corporation (@SayaCorps) August 15, 2023
واضح رہے کہ اس سے قبل خبر آئی تھی کہ بابر اعظم کے انتہائی قریبی ساتھی نے تصدیق کی ہے کہ قومی کپتان کے گھر والے ان کی شادی رواں برس بھارت میں ہونے والے آئی سی سی ورلڈکپ کے بعد کرنے کا ارادہ رکھتے ہیں۔
ذرائع کا کہنا تھا کہ قوی امکانات ہیں کہ بابر اعظم کی شادی ورلڈکپ کے بعد نومبر میں ہو رہی ہے، کپتان کے اہلخانہ نے منصوبہ بندی کی ہے کہ دسمبر میں ہونے والے پاکستان کے آسٹریلیا ٹور سے قبل اور ورلڈکپ کے بعد جو کچھ دن بچیں گے، اس میں شادی کردی جائے۔
خبر میں یہ بھی بتایا گیا تھا کہ بابر اعظم کی شادی ان کی کزن سے ہورہی ہے جو رشتے میں ان کی خالہ کی بیٹی ہیں۔
