واشنگٹن: پاک فوج کے ترجمان میجر جنرل عاصم سلیم باجوہ کا کہناہےتمام دہشت گردوں کے خلاف بلاتفریق آپریشن کیا جا رہا ہے۔
امریکی نشریاتی ادارے کو انٹرویو میں میجر جنرل عاصم سلیم باجوہ نے کہا کہ دہشت گردوں کا تعلق چاہے کسی بھی ملک سے ہو اُن کے خلاف ایک ہی طرح سے کارروائی کی جا رہی ہے یعنی ان کا خاتمہ کرنا ہے، یا ان کو گرفتار کرنا ہے۔
میجر جنرل عاصم باجوہ نے کہا کہ دہشت گردی کے خلاف پاکستان نے جو قربانیاں دیں، اُن کا اعتراف ہی اس دورے کا سب سے بڑا حاصل ہو گا، آپریشن ضرب عضب میں اب تک بارہ سو سے زائد شدت پسند مارے جا چکے ہیں۔
