نگراں وزیراعظم انوار الحق کاکڑ کل کراچی کے دورے پر آئیں گے، وزیراعظم انوارالحق کاکڑ نگراں وزیراعلیٰ اور گورنر سندھ سے ملاقات کریں گے.
تفصیلات کے مطابق نگراں وزیراعظم انوار الحق کاکڑ کل کراچی پہنچ رہے ہیں جہاں ان کی نگراں وزیراعلیٰ سندھ سے ملاقات طے ہے، ملاقات میں صوبے کے ترقیاتی کاموں کا جائزہ لیا جائے گا۔
نگراں وزیراعظم انوارالحق کاکڑ مزار قائد پر حاضری دیں گے جب کہ وہ گورنر سندھ کامران ٹیسوری سے بھی ملاقات کریں گے۔
کراچی کے دورے کے دوران وزیراعظم کی تاجروں سمیت اہم سیاسی رہنماؤں سے بھی ملاقات متوقع ہے۔
اس سے قبل نگراں وزیراعظم انوارالحق کاکڑ نے آج جڑانوالہ کے متاثرہ علاقوں کا دورہ کیا، جہاں انھوں نے متاثرہ مسیحی خاندانوں سے ملاقات کے ساتھ ساتھ بحالی کے کاموں کا جائزہ لیا۔
انوارالحق کاکڑ کےدورہ جڑانوالہ کے پیش نظر سیکیورٹی کے سخت ترین انتظامات کئے گئے تھے، وزیراعظم نے متاثرہ مسیحی خاندانوں سےملاقات کی اور متاثرہ علاقوں میں بحالی کے کاموں کا جائزہ بھی لیا۔
