کراچی : کے ایم سی کے ڈی جی ٹیکنیکل سروسزنے نے سائن بورڈ گرنے سے شہری کی موت کی ذمہ داری منشیات کےعادی افراد پر ڈال دی اور کہا نشے کے عادی افراد کے سریا کٹ جانے کی وجہ سے نصب بورڈ شہریوں پر گرا۔
تفصیلات کے مطابق کراچی کے علاقے ناظم آباد میں محسن بھوپالی انڈرپاس پر لگاسائن بورڈ گرنے سے شہری جاں بحق ہوگیا، میئر کراچی بیرسٹر مرتضیٰ وہاب نے سائن بورڈ گرنے کا نوٹس لیا۔
میئرکراچی نے ڈی جی ٹیکنیکل سروسز کے ایم سی سے تفصیلی رپورٹ طلب کرلی اور کہا کہ واقعہ کیوں کرپیش آیامجھےآگاہ کیاجائے، اس قسم کےواقعات کسی صورت قابل قبول نہیں۔
ڈی جی ٹیکنیکل سروسز نے میئر کراچی بیرسٹرمرتضی ٰوہاب کو ابتدائی رپورٹ پیش کی ، جس میں بتایا گیا کہ نشےکےعادی افراد نےمحسن بھوپالی انڈرپاس کےسرئیےکاٹے، محسن بھوپالی پل پر لگے سریاکاٹنے کی وجہ سے حادثہ پیش آیا۔
رپورٹ میں کہا گیا کہ نشےکےعادی افرادنےپل پرلگےبورڈکومضبوط کرنےوالاسریابھی کاٹا، سریا کٹ جانےکی وجہ سے نصب بورڈ شہریوں پر گرا۔
ڈی جی ٹیکنیکل سروسز کا کہنا تھا کہ نشے کے عادی افراد نے انڈر پاسز کے پمپ رومز سے بھی بیرئیرتوڑکرنکالا، ہیرنچیوں کیخلاف تھانےپرمقدمات درج کرائےگئے ہیں، نشے کے عادی افراد انڈر پاسز پر نکاسی آب کے لئے لگی موٹریں بھی چراچکے ہیں۔
میئر کراچی مرتضی ٰ وہاب نے ہدایت کی کہ کےایم سی افسران اورعملہ ایسےافرادکیخلاف سخت ایکشن لیں اور شہری بھی انڈر پاسز، برجز سے سریا چرانے والے افراد کی نشاندہی کریں۔
