نگران وزیر تجارت نے 30دن میں ملک بھر کی بند انڈسٹری کو دوبارہ کھولنے کا عہد کیا ہے۔

تفصیلات کے مطابق ڈاکٹر گوہر اعجاز نے ملک بھرمیں تمام غیرفعال صنعتوں کی ایک جامع فہرست مانگی لی جب کہ ٹیکسٹائل کی برآمد کےلیے 25ارب ڈالر کا ہدف مقرر کر دیا۔

ڈاکٹرگوہر اعجاز کی پاکستان ٹیکسٹائل ایکسپورٹرزایسوسی ایشن کیساتھ اہم میٹنگ ہوئی جس میں انہوں نے کہا کہ رواں سال کیلئے ٹیکسٹائل برآمدات میں 25بلین ڈالر کا ہدف مقرر کیا ہے،۔

نگراں وزیر تجارت نے کہا کہ مختلف وجوہات کی بنا پر بند صنعت 30ستمبر تک دوبارہ کھل جائے گی جس کے لیے صنعتکاروں سمیت تمام اسٹیک ہولڈرز کیساتھ ذاتی طور پر بات کروں گا۔